пятница, 14 ноября 2014 г.

Коми кӧ, сідзкӧ, сарапана да кӧтіа??????


Ӧти тӧдсалӧн пиыс аддз0ма аслыс гӧтырпу. Вобщем, заводитчӧма налӧн ныла-зонма олӧм. Зонмыс роч, а нылыс коми семьяысь.  Зонмыд коркӧ ветлас нывлӧн гортас и рытнас юксьӧ мамыскӧд( код тай менам тӧдсаыд.  Представляйтан, пӧ, Анялӧн семьяыс сэтшӧм бур, зэв серамбанаӧсь мам-батьыс, зэв бур шмонитан сямаӧсь пӧ, чӧскыда пусьӧны, мичаа пасьтасьӧны, некутшӧм сарапанъяс оз новлыны и кужӧны бура сёрнитны рочӧн. Мамыс, дерт, сералыштіс та вылын, тӧлкӧн-ладӧн  висьталіс пиыслы ставсӧ. Мый оз пӧ ков национальносьт серти мортсӧ судитны. ( Но эз-ӧ сёр мама-пиа костас татшӧм сёрниыс артмы???)
А ме тӧдсалӧн татшӧм сёрни бӧрас баргыси: тайӧ диалогыс оз Африкаын мун, а дзик миян костын и миян кад0. Ме думыштчи: мыйла коми кӧ, сідзкӧ бразованньӧтӧм, кӧтіа да сарапана( дӧра дӧрӧма) вӧрысь петӧм морт. Кор артмис мукӧд войтырыслӧн миян йылысь татшӧм видзӧдласыс и мыйла…..

Мыйсяма садик лоас-а?...


Менам ӧшинь улын стрӧитӧны садик!!!
Но кыдз стрӧитӧны…- коркӧя вечерньӧй школа дзоньталӧны детсад улӧ. Ставыс эсьӧ бур, но стрӧитчысьясыс вывті  аслыспӧлӧса уджалӧны. Виччысисны, кор к0дздӧдас и заводитісны ваявны, кодйыны лыа да рӧвняйтны мусӧ. А кор тай усьліс лымйыс октябрнас, сэк тӧдмалӧй мый вӧчисны? Да-да, ставыс сідз – пуктісны асфальт. Зэригъясас вӧчӧны вевт. Мый вӧчсьӧ пытшкас, ӧшиньсянь оз тыдав, но тыдалӧ оз жӧ ёна ГОСТъястӧ пӧчитайтны.
Ті чайтанныд арыс нюжаліс? Эз, сійӧ виччысьӧ путьтӧм стрӧительяслысь кагаяслы садик дзоньталӧм помалӧмсӧ….
Бур кӧть нин стенъясссӧ дельнӧй  кирпичысь коркӧ на Брежнев  кадъясӧ лэптылісны. А тӧ ӧд дзолюкъяс сідз жӧ кутасны кынманы, кыдз тай ыджыд ӧдӧн стрӧитӧм Визинса выль садйын….


вторник, 21 октября 2014 г.

Войтырыс миян кыз али вӧсньыд…..(серамбана статистика)



Быд асыв ме ветла удж вылӧ подӧн. Кӧрт туй вокзал районсянь "горстрой" стрӧйбаӧдз восьлала нелямын минут гӧгӧр. Тайӧ каднас радейтана шыладъяс пель бокын юргӧны. Кстати, ставлы сӧветуйта подӧн ветлыны. Асъя зарядка да бур настроение лун кежлӧ дась!
Тадзи восьлалігад быдтор аддзылан и уна мӧвп юрад волӧ. Менам эм сэтш0м привычка – ставсӧ лыддьыны. И со ӧти асылӧ думышті видзӧдлыны – унджык ывлаті тайӧ кадас ветлысь пиас вӧсньыдыс али кызыс! Ог ӧд весьшӧрӧ быд лун телевизор да Ӧтуввезйысь кылӧй-аддзӧй лишнӧй веслысь Россиянымӧс кок йывсьыс уськӧдӧмсӧ! И со лыдпасъясыс 0ти асывся нелямын минута видзӧдласысь. Фигурнӧй аньыс меным паныдасис 135, а   ыджыд статя да ёныс с0мын 38 ань. Уна тайӧ али этша ог босьтчы судитны, но мен тай кажитӧ, мый Россиаад тайӧ абу медыджыд мытшӧдыс)))))

P.S. Менам сідз шусяна серамбана статистическ0й срез йылысь тӧдмал1сны уджъёртъяс. И ставыслы интереснӧ лои тӧдмавны и мукӧдтор: кымын прӧчент пӧ ветлӧ отечетвеннӧй машина вылын, а кымын суйӧр сайысь вайӧм кӧрт вӧв вылын, кутшӧм маркаяс радейтӧны медъёна Сыктывкарса водительяс. Вобшем, некымын асыв вылӧ удж менам эм. Физическӧй зарядкакӧд ӧттшӧм и вемӧс тренируйтышта. Лыдпасъяснас сэсся юкся…..

вторник, 14 октября 2014 г.

Абу татара, да, дерт….

   Тӧдмалі, мый лабораторияын уджалысь Андрей Чемышев, зэл-зэл енбиа компьютерщик))))) шогӧ усьлывлӧ…Оз пӧ ков став тайӧ ноксьӧмыс неколды, некод оз донъяв Коми му кодяс налысь уджсӧ....И кӧсйӧ пӧ зiльны, кӧні сылӧн тӧдӧмлунъясыс колӧны. 
     Ой-ой, сё зӧлӧта, эн жӧ тадзи мӧвпал!…И некытчӧ эн мун!  Дерт, оз на гӧгӧрвоны ГРАНДИОЗНӦЙ  уджсӧ тіянлысь да сідз относитчӧны…. Лабораториялӧн уджыс ВЫВТі колана. И эмӧсь, йӧз, коді тайӧс гӧгӧрвоӧ и вӧдитчӧ тіян выльпыртӧмъясӧн. Чинаяс кӧ  оз кӧсйыны тіянӧс аддзыны ни кывны, ми вед аддзам…Электронӧй кывкудъясыс, конвертацияыс –сійӧ ӧд волшебство кодь…Аттьӧ тіянлы и энӧ ньӧти шогӧ усьӧй!

среда, 8 октября 2014 г.

Ловья на...


Эз жӧ эськӧ на помась олӧмӧй да. Ӧньӧ Лав, эн виччысь даже))))  Гижныс унатор эм, но эмӧсь проблемаяс компьютеръяскӧд…Часлы, энлы, заводитла жӧ бӧр….

четверг, 11 сентября 2014 г.

Бур европеечьяс.


Интереснӧ, мыйла сэтшӧм бур да сьӧлӧма европеечьяс оз мӧдӧдны лишалан фруктысӧ радейтана демократическӧй Украинаӧ, а койӧны став чӧскыд быдтассӧ ывласа уличьяс вылӧ?

вторник, 9 сентября 2014 г.

Кебрачи


Кебраыс эськӧ важӧн нин Куратовоӧн шусьӧ да, но татчӧс олысьяс асьнысӧ сӧмын кебрачиӧн и шуӧны. Аддзысян кӧ кӧнкӧ карын, некор он шу, кор пӧ Куратовоад кайлін, шуан Кебраад кор бӧръяысьсӧ волін. Та вӧсна и "кебраса" ачымӧс шуи…А сэсся бӧръя вояссӧ зэв ёна кыскӧ рӧдимӧй муясӧ. И радейта Кебра-матушкаӧс….А ӧд вӧлі кад, кор и кайнысӧ ена эз кыскы, ставыс сэки вӧлі пазалӧ сиктъясад, киссьӧ, том йӧзыс юсьӧны, уджавны некӧн, да и томджыкӧсь, тыдалӧ вӧлім, каръясын овмӧдчыны кӧсйыссьӧ вӧлі….
И нӧшта, сэтшӧма меным окота вӧлі эськӧ ӧти лун вылӧ кӧть ветлыны важ Кебраас, кор овліс сэні Иван Куратов, видзӧдлыны, кутшӧмӧн сійӧ быдмис, кӧні овліс. Ӧнія музейыс вед абу Куратов керка местаас, ылӧсас музейыс сулалӧ. Сэні вӧлі зэл ыджыд поп керка, сэсся дыр кад чӧж меститчыл1с детсад. Керкаыс сійӧ сотчыліс некымын во сайын, и сэні восьтісны музей….Воӧдчыны мед гӧсьтъяслы вӧлі кокни, туй бокын да зэл лӧсьыд…


И кӧсйылі бы ӧти войколӧн кӧть пӧль-пӧч ичӧтдырйӧ волыны да видзӧдлыны сэкся Кебрасӧ.....

Дача - сэтшöм радейтана, но век некор...

"Блин, вузалам дачасӧ", - бара нин сьӧлӧмсянь кӧсйысьӧ верӧсӧй. Витӧд во нин ноксям дачанас, и витӧд во нин татшӧм мӧвпыс волӧ верӧс юрӧ. Тайӧ ме с1йӧс дӧсадит1. Мися, вай москияс лӧсьӧдам, унджык град гӧрам, пывсян джодж да потолок лӧсьӧдыштам…..Нафиг пӧ меным сэтш0м дачаыд, унджалам пӧ пошкытӧдз сэн1, а босьт1м эськ0 шойччӧм вылӧ да.
…Но дача выл0 скӧрмӧм бӧрын видзӧдалам объявлениеяс, миян пӧрадньӧ кодьсӧ, кодъяс вузал0ны дачаяс. Видзӧдалам донъяс, быд лун уджалам и вежоныс бара нин кольӧма. Пекнича рытӧ сэтшӧма кыск0 кытчӧк0 карысь…Мунам дачаӧ…ломтам пач, ывлаын тшай юам нянь шӧрӧмӧн либ0 печенньӧӧн, пывсян ломтам. Та кад0н керка шонал0ма нин. Пу керкаын торъя кӧр….. Мойд кодь…. челядь телевизор пыр мыйкӧ видзӧдӧны либӧ лыддьысьӧны, либ0 мойд кывзӧны.
Ме град вылӧ дзик пыр жӧ петала, анькытш то нӧ воӧма, морковь позяс валскыны -сёйны, клубникаӧн чӧсмасьыштны. Видзӧда да верӧсл0н сьӧлӧмыс сылӧма нин…Дачатӧ бара на радейтӧ. И мек0д радлӧ, кор му вывсьыс аддзас ичӧтик порсьпи кодь кабачок, либӧ китырнас вомас сьӧд сэтӧр мӧдӧдӧ….А муыс….с1й0 вед торъя сьыланкыв… Век миянлы томъяслы некор бура чередитны дачатӧ, мунас некор вӧдитчыны ни.…Ме думайта, вот мӧд во пукта унджыктор, быть велала вӧчны клумба и весиг альпийскӧй керӧс, кипомысь уна вӧчӧмтор сувтӧда, басита ставсӧ…Но киыд оз судз нинӧм выл0…Ытшкыштам турун, гоз-мӧдысь ёртъяскӧд жаритам яй, керка пытшкӧссӧ тӧлкӧн-ладӧн лӧсьӧдам, мед челядьлы сэн1 сӧстӧма овсис… Колян во, морковь весиг лым улӧ сюрл1, лымйыс тай сентябрас кор усьл1с…Но таысь юмов вужйыс чӧскыдджык на лоис….
Муыс дзик коньӧр гӧль крестьянин кодь….Ог и детелитныс слӧймылӧй ёнасӧ, киськавны ни…, а с1йӧ видзӧдтӧ миянлы козинъяс бара на дасьтӧма….морковь, и свеклӧ, и лук, и тусь….
Пывсян дась жӧ нин, лысьӧмт0 правитас, ловт0 и вир-яйт0 весалас….сьӧлӧмтӧ бурмӧдас….Кыдз нӧ сэсся дачатӧ он радейт? Радейтам сьӧлӧмсянь водзӧ.
…Выль москияс йылысь сёрниӧдз…..



понедельник, 8 сентября 2014 г.